"Bakıda keçirilən Qərbi Azərbaycan İcmasının "Qayıdış hüququ – Ermənistandan zorla çıxarılan Azərbaycanlılar üçün ədalətin təmin edilməsi” mövzusunda ikinci beynəlxalq konfransda iştirak edirəm. Əvvəlcə Azərbaycan Respublikasının Prezidenti cənab İlham Əliyevin konfrans iştirakçılarına ünvanladığı müraciətini Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri, professor Ədalət Vəliyev oxudu”.
Xeberle.com-un məlumatına görə, bunu deputat Səbinə Salmanova bildirib. O qeyd edib ki, Qərbi Azərbaycanlıların başlarına gələnlər və onların qayıdış hüququ üzərində fokuslanan tədbirə 52 ölkədən 100-dən artıq xarici iştirakçı qatılıb:
"Daha sonra Türkiyənin sabiq xarici işlər naziri, Türkiyə Böyük Millət Məclisinin üzvü və NATO Parlament Assambleyasındakı nümayəndə heyətinin rəhbəri Mövlud Çavuşoğlu tədbirdə çıxış etdi.
Tədbirdə Qərbi Azərbaycanlıların Ermənistandan zorla çıxarılmasının tarixi, onların qayıdış hüququnun əsasları, mədəni irsinin bərpası və bu sahədə diplomatik səylər müzakirə ediləcək.
Dekabrın 6-da isə tədbirin zəngin proqrama malik mədəni hissəsi baş tutacaq.
Onu da qeyd edim ki, bu gün Qərbi Azərbaycanlıların 1987-1991-ci il deportasiyasının anım günüdür. Sözügedən gün ilə bağlı ötən il də analoji beynəlxalq konfrans keçirilib. Hazırda bizim ən böyük amalımızdan biri Qərbi Azərbaycana qayıdışdır. Hər birimiz Prezident İlham Əliyevin apardığı uğurlu daxili və xarici siyasət sayəsində tarixi torpağımız olan Qərbi Azərbaycana da qayıdacağımız günün uzaq olmadığından tam əminik!”
Xəbərdən istifadə edərkən istinad etmək vacibdir.
