Azərbaycan səfərindən sonra Türkiyə lideri Rəcəb Tayyib Ərdoğan təyyarədə jurnalistlərin suallarını cavablandırıb.
Xeberle.com məlumat verir ki, Ərdoğan terror təşkilatı PKK-nın ləğvi və tərksilah edilməsi qərarı ilə bağlı açıqlama verib.
Onun sözlərinə görə, terror təşkilatı hələ də gecikdirmə taktikalarını davam etdirir.
"Suriyanın ərazi bütövlüyü, unitar quruluşu və milli birliyi mütləq qorunmalıdır. Daha əvvəl də bildirmişdik ki, əldə olunan razılaşmanı alqışlayırıq. Bununla belə, Suriya Demokratik Qüvvələrinin hələ də gecikdirmə taktikasını davam etdirdiyini görürük. Onlar bundan əl çəkməlidirlər. Qəbul edilmiş qərarların icrasını çox diqqətlə izləyirik. Vacib olan odur ki, verilən vədlərə uyğun olaraq həyata keçirilir. Şükürlər olsun ki, terrorsuz Türkiyə prosesində heç bir problem, sıxıntı yoxdur. İnkişaflar müsbət istiqamətdə davam edir.
İnşallah Terrorsuz Türkiyə məqsədimizə çatarıq. Nə etsək də, ölkəmiz, Türkiyə üçün edirik. Nə etsək də, millətimizin əmin-amanlığı, təhlükəsizliyi üçün edirik. Biz heç vaxt millətimizi narahat edəcək heç bir danışıqlara getməzdik. Biz millətimizə güvənirik, qardaşlıq gücünə güvənirik”.
Xəbərdən istifadə edərkən istinad etmək vacibdir.
