"Türkiyə İrandan Zəngəzur aşırımının açılması üçün atılan addımları dəstəkləməsini gözləyir".
Xeberle.com məlumat verir ki, bunu Türkiyə prezidenti Rəcəb Tayyib Ərdoğan Laçından qayıdarkən jurnalistlərlə söhbətində deyib.
"Zəngəzur aşırımı Azərbaycanın Naxçıvanla quru əlaqəsi olmaqla yanaşı, həm də Türkiyədən türk dünyasına uzanan yeni inteqrasiya xəttidir. Bu keçidin qısa müddətdə açılması həm də Qafqazın nəqliyyat və enerji infrastrukturunu gücləndirəcək. Qonşumuz İrandan da sülhə, sabitliyə və inkişafa xidmət edəcək bu addımları dəstəkləyəcəyini gözləyirik. Əslində, bundan regionumuzda qazanc əldə etmək istərdik. Atılan hər addım, açılan hər qapı və dəhliz iqtisadi fayda verəcək və zaman keçdikcə ölkələri bir-birinə daha da yaxınlaşdıracaq", - deyə Ərdoğan bildirib.
Xəbərdən istifadə edərkən istinad etmək vacibdir.
