Pakistanın baş naziri Şahbaz Şərif iyulun 3-də Azərbaycana 2 günlük rəsmi səfər edəcək.
Xeberle.com məlumat verir ki, bu barədə Pakistan mətbuatı yazıb.
Şərif Azərbacanda keçiriləcək İqtisadi Əməkdaşlıq Təşkilatının (İƏT) sammitinə qatılacaq.
"Bu səfər böyük diplomatik və iqtisadi əhəmiyyət kəsb edir, çünki o, regional əməkdaşlığın və İƏT-ə üzv ölkələrlə ikitərəfli əlaqələrin gücləndirilməsinə yönəlib", - məlumatda qeyd olunub.
Pakistan Xarici İşlər Nazirliyindəki mənbələr yazır ki, səfərin yekununda qarşılıqlı əməkdaşlığa dair bir sıra sazişlərin və anlaşma memorandumlarının imzalanması planlaşdırılır.
Bundan əvvəl Türkiyə Prezidenti Rəcəb Tayyib Ərdoğanın da Azərbaycana səfərə gələcəyini yazmışdıq.
Xəbərdən istifadə edərkən istinad etmək vacibdir.
