"İlham Əliyevin Azərbaycan üzərindən Ermənistana yük daşınmasına qoyulan qadağanı ləğv etməsi mənim üçün gözlənilməz oldu".
Xeberle.com məlumat verir ki, bunu Ermənistanın baş naziri Nikol Paşinyan açıqlayıb.
"Yenə də bu qərarı verən Azərbaycan Prezidentinə minnətdarlığımı bildirmək istəyirəm.
Yeri gəlmişkən, demək istəyirəm ki, bu qərar Ermənistanla əvvəlcədən bu dərəcədə müzakirə olunmayıb.
Biz bilirdik ki, bir qatarın gələcəyi barədə anlaşma, razılaşma var, amma bizim qavrayışımız bir qatarla bağlı idi.
Və Azərbaycan Prezidentinin Qazaxıstana səfəri zamanı verilən açıqlama, əslində, bizim üçün gözlənilməz idi və bu, Azərbaycandan gözlənilməz, lakin çox müsbət bir açıqlamanın verildiyi hallardan biri idi, bu da o deməkdir ki, buna baxmayaraq, tarazlığı dəyişdirmək üçün çox əhəmiyyətli imkanlar var", - deyə o bildirib.
Qeyd edək ki, bundan əvvəl Paşinyan eyni məsələyə görə iki dəfə dövlətimizin başçısına təşəkkür etmişdi.
Xəbərdən istifadə edərkən istinad etmək vacibdir.
