"Referendumla bağlı deputatların, ayrı-ayrı siyasi partiya rəhbərlərinin çıxışları olur. Konkret olaraq referenduma hansı məsələlər çıxarılmalıdır? Hələ bununla bağlı ortada fikir yoxdur".
Bunu açıqlamasında Milli Məclisin Regional məsələlər komitəsinin sədri, deputat Siyavuş Novruzov deyib.
O bildirib ki, regionlarda səlahiyyətli nümayəndələr təyin olunur: "Bununla əlaqədar rayon icra hakimiyyətləri və s. məsələr barədə fikirlər olur. Hesab edirəm ki, bununla bağlı yeni konsepsiyanın hazırlanmasına ehtiyac var. Seçki ilə bağlı müəyyən rəqəmlər var ki, Seçki Məcəlləsində öz əksini tapmalıdır. Bir neçə referendum keçirmişik və lazım olan düzəlişləri etmişik. Konkret olaraq referenduma hansı məsələlərin çıxarıla biləcəyi ilə bağlı proqram və ya yazılı şəkildə təklif qoyan yoxdur. Nə siyasi partiyalar, nə də hər hansı deputat tərəfindən ortaya bir məsələ çıxarılmayıb".
Xəbərdən istifadə edərkən istinad etmək vacibdir.
