ABŞ Konqresinin Nümayəndənlər Palatasının Avropa və Avrasiya üzrə alt komitəsinin keçmiş sədri, konqresmen Dən Börton hesab edir ki, Qarabağ danışıqlarında Azərbaycandan güzəşt gözləmək düzgün deyil. 

“Azərbaycan regionda sabitliyə nail olmaq üçün əlindən gələni edir, Ermənistan tərəfində isə mən bu niyyəti indiyədək müşahidə etməmişəm.” Bunu Amerikalı siyasətçi ANS-in Vaşinqton bürosunun rəhbəri Sevinc Osmanqızının suallarını cavablandırarkən deyib. 

ABŞ Nümayəndələr Palatasının alt komitəsinin keçmiş sədri, Dən Börton: “Mən Azərbaycan prezidenti ilə görüşmüşəm. Hesab edirəm ki, o, sabit bir liderdir. Mənim Ermənistan prezidenti ilə də görüşüm olub. Hesab edirəm ki, yeni münaqişə, daha bir müharibə heç kəsin maraqlarına uyğun deyil. Müharibə insan həyatı, faciə, iqtisadiyyata böyük zərbə deməkdir. Dağlıq Qarabağ problemi hazırda açıq bir yaradır, o, həll olunmazsa, daha böyük bəlalara gətirib çıxara bilər. Odur ki, biz ABŞ olaraq, əlimizdə olan bütün imkanlardan istifadə etməli, prezidentləri bir araya gətirməli, problemin həll olunmasına çalışmalıyıq. Mən hesab edirəm ki, Azərbaycan regionu sabitləşdirməkdən ötrü əlindən gələn hər şeyi edib. Azərbaycanın öz hərbi qüvvlərini gücləndirmək səylərini də başa düşürəm. Bu, ölkənun Rusiya ilə İran kimi qonşuluğundan irəli gəlir. Lakin sülhə nail olmaq üçün münaqişənin hər iki tərəfində bir yerdə oturub danışıqlar aparmaq niyyəti olmaldır. Mən hələ ki Ermənistan tərəfində belə bir niyyət müşahidə etmirəm”. 

/anspress.com/