"Belarus məktəblərində rusca təhsildən mərhələ-mərhələ imtina ediləcək”.
Bu açıqlama ilə Belarusun Təhsil naziri Mixail Juravkov çıxış edib. O, təhsildə rus dilindən imtina etməklə uşaqların Belarusu daha çox sevəcəyini bildirib:
"Belarus məktəblərində rus dili təhsilindən mərhələ-mərhələ imtina ediləcək. İlk mərhələdə Belarus tarixi və coğrafiya dərsləri belarusca keçiləcək. Ana dilində dərslər uşaqlara Belarusu daha çox sevdirəcək və digər dərsləri də ana dilində öyrənmək istəyəcəklər”.
Qeyd edək ki, bu il belaruslular ilk dəfə yeni ili Rusiya Prezidenti Vladimir Putinin yox, Belarus Prezidenti Aleksandr Lukaşenkonun təbrik mesajı ilə qarşılayıblar. Həmçinin ölkənin heç bir kanalı Putinin yeni il təbrikini yayımlamayıb. (axar.az)
Xəbərdən istifadə edərkən istinad etmək vacibdir.
