"ATƏT Minsk qrupunun həmsədrləri yenidən Azərbaycana qarşı diplomatik səhvə yol verdilər".

Bu barədə Milli Məclisin deputatı Aydın Mirzəzadə öz facebook səhifəsində bildirib.

Deputat qeyd edib ki, ATƏT Minsk qrupunun həmsədrləri qurumun rəsmi saytında fevral ayının 16-19-a Azərbaycan və Ermənistana səfərləri ilə bağlı press-reliz yayıblar.

Diqqəti cəlb edən bəyanatın mətnində həmsədr ölkələrin nümyəndələrinin Azərbaycanla bağlı kobud səhvə yol vermələridir. Bəyanatın mətnində "Dağlıq Qarabağın faktkiki rəhbərləri ilə görüş keçirdikləri” bildirilir.

Həmsədr ölkələr olan ABŞ, Fransa və Rusiya Azərbaycanın ərazi bütövlüyünü tanıyırlar və onların vasitəçilyi işğal edilmiş ərazilərimizdən Ermənistan qoşunlarının çıxarılmasından ibarətdir.

Dağlıq Qarabağ adlanan tarixi Azərbaycan coğrafi ərazisi Ermənistan tərəfindən işğal edilmiş ərazinin cəmi üçdə birini təşkil edir. Azərbaycanın nəzarətindən kənarda olan ərazidə hakimiyyət yox, Ermənistan işğalçı qüvvələrinin nümayəndələri var.

Deputat bildirir ki, ATƏT Minsk qrupu həmsədrlərinin işğalçı komandanlıq nümayəndələrinə legitimlik vermək cəhdi yolverilməzidr və bu diplomatik səhv aradan qaldırılmalıdır.

Ötən il noyabrın 12-də də Ermənistan hərbi helokopteri Azərbaycan ərazinidə vurulandan sonra da diplomatik səhvə yol verilmiş, sonradan səhv düzəldilmişdi. (İnterAztv.com)