Krımda Rusiya bayrağı qaldırılanda bütün yarımadaya mən nəzarət edə bilərdim”. Bu açıqlama ilə Krımın keçmiş Baş nazirinin müavini Rüstəm Temirqalıyev çıxış edib. O bu haqda ilk dəfə ictimaiyyətə məlumat verdiyini deyib: "Rusiya bayrağı Krımın Ali Sovetinin binası üzərində qaldırılandan bir neçə saat sonra parlamentdə kimin gələcək Baş nazir olacağı ilə bağlı kəskin müzakirələr başladı. Nəticədə üç namizəd irəli sürüldü. Bunlar Aksyonov, Plakida və mən idim. Həmin vədə Yanukoviç də bizimlə əlaqədə idi. O, deputatların əksəriyyətinin dəstəkləyəcəyi şəxsin mövqeyini tutmağa hazır idi. Həmin vədə parlament zalında vəziyyət həddən artıq gərgin idi və təcili kompromis gərəkirdi. Nəticədə mən öz namizədliyimi çəkib, hər kəsdən Aksyonovu dəstəkləməsini xahiş etdim. Aksyonov Baş nazir seçildi və bir neçə dəqiqə sonra Yanukoviç də özünün razılığını göndərdi”. Qeyd edək ki, Krımın keçmiş baş nazirinin müavini, hazırda Tatarıstanın Qazaxıstandakı rəsmi nümayəndəsi Rüstəm Temirqalıyev Ukraynanın "Oşad Bank”ının qızıllarını ələ keçirməkdə günahlandırılır. Hazırda Temirqalıyevə qarşı FSB tərəfindən cinayət işi açılıb. Onu da xatırladaq ki, Rüstəm Temirqalıyevin atası İlmir Temirqalıyev 2014-cü ilə qədər Krım tatarlarına rəhbərlik edib. Keçən ilin martında ata Temirqalıyev Tatarıstanın Krımdakı daimi nümayəndəsi vəzifəsinə təyin edilib. Temirqalıyev Rusiya Krımı anneksiya edən zaman Krım tatarlarının əleyhinə olaraq Moskvanı dəstəkləyən əsas şəxslər sırasında öncül yerlərdən birini tutmuşdu. (axar.az)
Xəbərdən istifadə edərkən istinad etmək vacibdir.