"İsrail Azərbaycanla strateji tərəfdaşlığa böyük önəm verir”. Bu sözləri açıqlamasında politoloq Qabil Hüseynli deyib. O, bildirib ki, İsrail Azərbaycanla olan münasibətləri korlaya biləcək hər hansı bir addım atmaq istəmir və ermənilərin əsil xislətini bilir: "İsrail çox yaxşı bilir ki, ermənilər böyük provokatorlardır və hər hansı bir səfərlə Azərbaycan-İsrail əlaqələrinə ziyan vura bilərlər. Üstəlik, İsrail ermənilərin soyqırım iddialarını qəbul etmir. Açıq şəkildə dünyada bir soyqırımın tanınmasının tərəfdarıdırlar. O da Xocalı soyqırımıdır. Bu gün Holokostu yalnız tarixi fakt və dəlillərlə isbat etmək mümkündür. Bu nöqteyi-nəzərdən də ermənilərin bu addımı İsrailin milli, strateji, dövlət maraqlarına uyğun deyil. İsrail erməni həyasızlıqlarını yaxşı bildiyi üçün bununla bir növ onlara yerlərini göstərib. Nalbandyanın simvolik, o qədər də böyük hakimiyyətə malik olmayan İsrail prezidenti ilə görüşməsi heç vaxt İsrailin Azərbaycanla bağlı olan mövqeyini dəyişə bilməz”. Qeyd edək ki, Ermənistan Xarici İşlər naziri Edvard Nalbandyanı İsrailə səfəri zamanı onu ölkə prezidentindən başqa heç bir rəsmi şəxs qəbul etməyib. XİN rəhbərini nə İsrail Xarici İşlər naziri Aviqdor Liberman, nə də Baş nazir Benyamin Netanyahu qəbul edib. (Axar.az)
Xəbərdən istifadə edərkən istinad etmək vacibdir.