"Biz Abxaziyadan keçən dəmiryolunun açılışı ilə bağlı heç bir danışıq aparmayacağıq”. Bu açıqlama ilə Gürcüstan Baş nazirinin Rusiya ilə məsələlərin həlli üzrə xüsusi nümayəndəsi Zurab Abaşidze çıxış edib. O, Praqadakı danışıqların formatının fərqli olduğunu deyib: "Bu dəmiryolunun açılışı ilə bağlı xəbərlərin heç bir əsası yoxdur. Ümumiyyətlə, hazırda belə bir məsələ gündəmdə deyil”. Abaşidze Lavrovun 2011-ci ildə imzalanmış Rusiya-Gürcüstan müqaviləsinin işğal olunmuş torpaqlara aid edilməməsiylə bağlı fikrinə şərh bildirməyib. Qeyd edək ki, bir müddət öncə Moskva-Suxumi-Tiflis-İrəvan dəmiryolunun açılışı ilə bağlı informasiya yayılmışdı. Həm Bakı, həm də Tiflis üçün heç bir əhəmiyyətə malik olmayan bu dəmiryolu Putin tərəfindən keçən il təklif edilmişdi. (Axar.az)
Xəbərdən istifadə edərkən istinad etmək vacibdir.