Heydər Əliyev adına Anadolu Məslək və Anadolu Texniki liseyinin açılış proqramında İstiqlal marşının çalınmasından sonra Azərbaycan himninə yer ayrılmaması Ərdoğanın hiddətinə səbəb olub. Bu barədə informasiyanı ahaber.com.tr saytı yayıb. Açılış mərasiminin təşkilatçılarından Azərbaycan himninin niyə çalınmadığını soruşan Ərdoğan bunun ardınca dərhal himnimizin hazırlanmasını tələb edib. Kürsüyə çıxan Ərdoğan əvvəlcə Prezident İlham Əliyevdən yol verilmiş səhvə görə üzr istəyib: "Burada bir protokol xətası var. İndi hamımız birlikdə Azərbaycan dövlət himnini oxuyacağıq”. Azərbaycan himninin hamılıqla oxunmasından dərhal sonra Ərdoğan öz çıxışına başlayıb. (Axar.az )
Xəbərdən istifadə edərkən istinad etmək vacibdir.