Sumqayıt şəhərində Allahın yer üzündə höccəti, xəlifəsi və möminlərin əmiri Həzrət Əli ibn Əbu Talibin(ə) mübarək mövludu münasibətilə məclis keçirilib.
Xeberle.com LiderXəbər-ə istinadən məlumat verir ki, məclis Sumqayıt şəhər "Cümə Məscidi" tərəfindən təşkil olunub. Tədbirdə ölkənin bir çox üzvləri və şəhərin dindar sakinləri iştirak edib.
Məclis Qurani-Kərimin tilavəti ilə başlanıb. Mərasimdə tanınmış din xadimləri- Hacı Rauf , Seyyid Fərrux, Hacı Ramin və digər tanınmış ruhanilər iştirak ediblər.
Tədbir iştirakçıları çıxış edərək Həzrət Əlinin(ə) ali məqamı, yüksək dərəcəsindən danışıblar, onun din uğrunda apardığı misilsiz mücadilədən söz açıblar. Məclisdə, həmçinin, Həzrət Əlinin(ə) şəninə şeirlər oxunub. Mərasimdə həmçinin, çox saylı inanclılar və şəhər sakinləri iştirak ediblər.
Tədbirin sonunda bütün iştirakçılar İmam adına paylanılmış ehsan süfrəsinə dəvət edilib.