Sumqayıtda 522 nömrəli marşrut xəttinin bağlanması sakinlərin haqlı narazılığına səbəb olub.
Xeberle.com-a müraciət edən Saray qəsəbinin Üzümlük yaşayış massivinin sakinləri bildirir ki, Sumqayıtla Sarayı birləşdirən körpü söküləndən sonra sözügedən marşrut xətti əsasız olaraq fəaliyyətini dayandırıb.
Sakinlər deyir ki, bir neçə gündür övladlarını məktəbə taksi ilə yola salmalı olurlar. Əksər hallarda da şagirdlər dərsə gecikir. Yaxud da paçılıqlı yollarla uzun məsafə qət etdikdən sonra avtobusa minə bilirlər.
Yaşayış məskənində yağışlı havada kələ-kötür, palçıqlı yollar, quraqlıq havada isə toz-torpaq sakinlərə qənim kəsilib.
Ümid edirik ki, sakinlərin heç olmasa, yol və marşrut xətti problemi ən qısa zamanda öz həllini tapacaq.
Elşən Yəhyayev
Xəbərdən istifadə edərkən istinad etmək vacibdir.
