Sumqayıtda avtobus sürücüləri ilə bağlı narazılıqlar bitmək bilmir.
Xeberle.com-un redaksiyasına 50-AF-342 nömrəli "7" saylı avtobusla bağlı çoxsaylı şikayətlər daxil olur.
Belə ki, nəqliyyat vasitəsinin sürücüsü avtobusun arxa qapılarını bilərəkdən açmayaraq, sərnişinlər arasında kütləvi narazılığa səbəb olur. Bəzən bunun münaqişəyə də səbəb olduğu bildirilir. Sərnişinlərin bildirdiyinə görə bu hal xüsusən də Sumqayıt avtovağzalının yanında müşahidə edilir.
Səhər saatlarında avtobus dolu olmağına rəğmən sözügedən avtobusun sürücüsü arxa və orta qapıları açmamaqda israrlıdır. Şəhər sakinlərini "avtobusdan ödəniş etməyib qaçan sərnişin" qismində görən sürücü açıq-aşkar Sumqayıt əhalisinə hörmətsizlik edir.
Məlumata görə, 50-AF-342 saylı avtobus yüksək sürət səbəbindən fevral ayında digər bir sərnişin avtobusu ilə də toqquşub.
Xəbərdən istifadə edərkən istinad etmək vacibdir.
