Bu gün səhər saatlarında Sumqayıtdan Bakıya 07:48 reysi ilə hərəkət edən ekspress qatarı yolda qalıb.
Xeberle.com-un məlumatına görə, qatar Biləcəri stansiyasını keçdikdən sonra təxminən 40 dəqiqədən artıq hərəkətsiz qalıb.
Sərnişinlərin bildirdiyinə görə, qatarda ləngimənin səbəbləri barədə heç bir məlumat verilməyib. Bu da sərnişinlər arasında təşviş yaradıb.
Qatar yalnız saat 09:12-də yenidən hərəkətə başlayaraq Bakı Dəmiryol Vağzalına 09:28-də çatıb. Tam 50 dəqiqəlik gecikmə ilə!
Qeyd edək ki, son vaxtlar sərnişinlər arasında qatarların hərəkətində artan gecikmələrlə bağlı narazılıqların çoxaldığı müşahidə olunur. ADY rəhbərliyi isə bu barədə susur.
Xəbərdən istifadə edərkən istinad etmək vacibdir.
