Sumqayıt şəhərində yerləşən Şəhid Elçin Cəbrayılov küçəsinin sakinləri yol infrastrukturunun bərbad vəziyyətdə olmasından şikayətlənirlər.
Xeberle.com-un əməkdaşı ərazidə olub. Sakinlərin Xeberle.com-a açıqlamasın görə, küçədə asfalt örtüyü yoxdur, bu isə həm piyadaların, həm də avtomobillərin hərəkətini xeyli çətinləşdirir.
Xüsusilə yağışlı havalarda yol palçıqla örtülür, nəticədə ərazidə nəqliyyatın və insanların hərəkəti mümkünsüz hala gəlir. Sakinlər bildirirlər ki, küçənin avtomobil yolunda yerləşdirilmiş beton maneə də nəqliyyat vasitələrinin daxil olmasına ciddi problem yaradır.
Hazırkı vəziyyət sürücülər üçün təhlükə yaratmaqla yanaşı, təcili tibbi yardım və digər xidmətlərin də əraziyə vaxtında çatmasına mane olur.
Əhali aidiyyəti qurumlardan problemin tezliklə aradan qaldırılmasını, küçənin asfaltlanmasını və yolun avtomobillər üçün tam keçidli hala gətirilməsini tələb edir.
Xəbərdən istifadə edərkən istinad etmək vacibdir.
