Sumqayıtın dəniz kənarında  Novxanı istiqamətində yerləşən Göz xəstəxanasının aşağı hissəsində yeni park salınır.
Sumqayıt şəhər Memarlıq və Şəhərsalma İdarəsindən Xeberle.com-a verilən məlumata görə sözügedən ərazidə qızğın iş prosesi davam edir və yaxın zamanda parkın şəhər sakinlərinin ixtiyarına verilməsi planlaşdırılır.
Parkın salındığı ərazi  uzun illər baxımsız vəziyyətdə olub. Hazırda ərazidə parkın salınması şəhər sakinləri tərəfindən də müsbət qarşılanıb.
Qeyd edək ki, layihənin memarı Babək Atakişiyevdir.