Sumqayıt şəhərində güllərə qənim kəsilən şəxs ələ keçirilib.Xeberle.com-un məlumatına görə, şəhərin müxtəlif istiqamətlərində yenicə əkilmiş gülləri oğurlayan Corat qəsəbə sakini 51 yaşlı Sabir Sadiqov saxlanılıb. Belə ki, Sumqayıt Şəhər Polis İdarəsinin 1-ci polis bölməsinin əməkdaşlarının keçirdikləri əməliyyat axtarış tədbirləri nəticəsində, bir müddətdir ki, şəhərin estetik görnüşü üçün əkilmiş qızılgül və digər gülləri kökündən çıxararaq satan, əvvəllər məhkumluq həyatı yaşamış, Sabir Sadiqov isti izlərlə tutularaq istintağa təhvil verilib. O ilkin ifadəsində , hadisəni gecə saatlarında törətdiyini və bu hərəkətin özünə yaraşdırmadığını bildirərək peşiman olduğunu deyib. Faktla bağlı Sumqayıt şəhər Polis İdarəsində özgənin əmlakını talama və ziyan vurma maddəsi ilə cinayət işi açılıb, araşdırmalar davam etdirilir.