Sumqayıt Şəhər İcra Hakimiyyətinin təşəbbüsü, Gənclər və İdman Baş İdarəsinin təşkilatçılığı ilə 21 iyul 2017-ci il tarixindən Sumqayıt gənclərinin Quba rayonunda "Yay məktəbi”nin təşkilinə başlanılmışdır. Gənclərə milli-vətənpərvərlik hisslərini aşılanması, ölkəmizin bölgələrini tanımaları və asudə vaxtlarının səmərəli təşkil edilməsi məqsədilə keçirilən "Yay Məktəbi”ndə şəhərin müxtəlif sahələrini təmsil edən ictimai fəal gənclər iştirak edibər. Heydər Əliyev Mərkəzində "Yay məktəbi”nin açılış mərasimində Baş İdarənin rəis əvəzi Mübariz Bəşirov çıxış edərək ölkə və şəhər rəhbərliyinin gənclərimizə göstərdiyi diqqət və qayğıdan danışmış,yay məktəbinin məqsəd vəvəzifələri, təhlükəsizlik qaydaları barədə iştirakçılara məlumat vermişdir. Yay məktəbinin iştirakçıları layihənin təşkilində göstərdiyi köməkliyə görə şəhər rəhbərliyinə minnətdarlığını bildirmişlər.
Azərbaycanın qədim bölgələrindən olan Quba rayonunda təşkil olunan "Yay Məktəbi”nin iştirakçılar Ümummilli Lider Heydər Əliyevin abidəsini, Quba Soyqırımı Məzarlığını ziyarət etmiş, Memorial Komplekslə tanış olmuş, "Su səsi” istirahət mərkəzində gənclər arasında intelektual, əyləncəli oyunlar, təbiətlə tanışlıq, nahar və çay fasilələri təşkil edilmiş, Baş İdarənin xüsusi geyimləri ilə təmin edilmişlər.

 

 

 

 

 

 

Xəbərdən istifadə edərkən istinad etmək vacibdir.