"Sumqayıt” futbol klubunun Topaz Premyer Liqasının 2017-2018-ci il mövsümündə keçirdiyi ev oyunlarını stadiondan ümumilikdə 7952 azarkeş izləyib.
Klubdan bildiriblər ki, "Sumqayıt” çempionatın geridə qalan ilk iki dövrəsi ərzində keçirilən 14 turda 6 qələbə, 2 heç-heçəyə nail olub. Komanda altı görüşdə məğlubiyyətə uğrayıb. Hazırda sumqayıtlılar 20 xalla çempionatda dördüncü pillədə yer alıblar.
"Sumqayıt” ilk iki dövrədə cəmi 6 ev oyunu keçirib ki, bu matçları da ümumilikdə 7952 azarkeş tribunalardan izləyib. Azarkeşlər daha çox "Sumqayıt”–"Neftçi” oyununa maraq göstəriblər.(AZƏRTAC)

Xəbərdən istifadə edərkən istinad etmək vacibdir.