Azərbaycan Respublikasnın
Prezidenti yanında Qeyri-Hökumət Təşkilatlarına Dövlət Dəstəyi Şurasının
maliyyə dəstəyi ilə "Qadın Təşəbbüsü və Sosial Problemlərin Həllinə Yardım"
İctimai Birliyin icra etdiyi "Məcburi əməyin
qarşısının alınması sahəsində qabaqlayıcı
tədbirlər” layihəsi çərçivəsində "Məcburi əməyə cəlb olunma
–qabaqlayıcı tədbirlər” adlı tədbir keçirilib.
Xeberle.com-a verilən məlumata görə, təşkilatın
rəhbəri Zenfira Mustafayeva icra olunan layihə barədə məlumat verib.
Ekspert Ruslan Mustafazadə çıxış
edərək əməyin istismarı və məcburi əməyin fərqi, işə götürən ilə əmək müqaviləsinin
vacibliyi haqqında tədbir iştirakçılarını məlumatlandırıb.
Hüquqşunas insanların insan
alverinin və məcburi əməyin qurbanı olmamaq üçün xaricdə təhsil, iş və ailə
qurmaq təklifləri gəldikdə nələrə diqqət
etməli, hansı orqanlara müraciət etməli olduqları, bu sahədə fəaliyyət göstərən
qaynar xətt haqqında danışıb.
Ruslan Mustafazadə məcburi əməklə
bağlı son illər Azərbaycan Respublikasının Cinayət Məcəlləsində edilmiş dəyişikliklər,
məhkəmələrə olunan müraciətlər və onların nəticələrindən söz açıb. Məcburi əməklə
bağlı iştirakçıları maraqlandıran sualları cavablandırılıb.
Tədbirdə çıxış edən ekspert Gülgəz
xanım məcburi əməyin növləri və onun insan alverinə aparan yolları, qurbanların
əsasən hansı yaş kateqoriyasına aid olması haqqında danışıb.
Ekspert uşaq əməyinin istismarı, məcburi
əməyin dünya üzrə statistikası barədə tədbir iştirakçılarını məlumatlandırıb.
Tədbir zamanı məcburi əmək, insan
alveri ilə bağlı qısametrajlı filmlər nümayiş olunub.
Xəbərdən istifadə edərkən istinad etmək vacibdir.