Xeberle.com həmin mətni olduğu kimi təqdim edir.

Əziz dostlar!

Artıq bir neçə gündür qərargahda Sumqayıt şəhərinin fəal insanları və seçicilər ilə görüşlərimiz keçirilir. Növbəti belə görüş 24 yanvar tarixində baş tutub. Görüşdə Sumqayıtın sosial problemləri, əhali arasında aktual olan məsələlər dinlənilib, geniş müzakirələr aparılıb. Bu zaman platformamız, əsas məram və məqsədimiz, milli və mənəvi dəyərlərimiz haqqında söhbət açılıb. Əfsuslar olsun ki, bu gün Sumqayıtın bəzi mənəvi dəyərləri son 15 ildə sıfıra düşüb, şəhərimizə məxsus olan xüsusi dəyərləri qoruyub saxlamaq hər bir sumqayıtlının borcudur. Bu dəyərlər sonsuzdur; ağsaqqala hörmət və ehtiram, qonşuya yardım, məhəllə, həyət və küçələrin səliqəli saxlanılması, zəifə, köməksizə həyan olmaq, qonaqpərvərlik, multikulturalizm və sair. Bütün qanunlar və vətəndaşlarımız (sıravi vətəndaş və dövlət məmurlarının hamısına aiddir) xalqımıza və dövlətçiliyimizə xidmət etməlidir.

Görüşə gələn insanların təkliflərini diqqətlə dinləyərək öz qeydlərimizi apardıq. Səsləndirilən bütün bu təkliflərin həlli üçün gələcək fəaliyyətimizdə tam gücümüzlə səy göstərəcəyik. Görüşlərimizi davam etdirəcəyik!