44 saylı Sumqayıt-Xızı seçki dairəsindən
deputatlığa namizədliyini irəli sürən şahmat üzrə qadınlardan ibarət Azərbaycan
milli komandasının üzvü Zeynəb Həmid qızı Məmmədyarovanın 36 bənddən ibarət
seçki platformasının sizlərə təqdim edirik.
Yeniləşən Parlamentə Doğru !
1.Parlamentin yüksək ictimai nüfuz qazanaraq yeniləşməsinin, hazırda ölkə
rəhbərliyi tərəfindən aparılan islahatların aparıcı qüvvəsinə çevrilməsinə nail
olmaq.
2.Dövlətçilik mənafeyindən çıxış edən və milli maraqlarımızı daha ardıcıl və
daha qətiyyətlə qoruyan parlamentin formalaşmasına dəstək olmaq.
3.Seçiləcək yeni parlamentdə mütərəqqi və islahatçı fikir və ideyaların irəli
sürülməsinə müntəzəm olaraq nail olmaq.
4.Qanunların qəbul edilməsi prosesində vətəndaşlarımızın həyat səviyyəsinin yüksəldilməsini
bir prioritet vəzifə kimi qarşıya qoyulmasına çalışmaq.
5.Ölkənin sosial-iqtisadi həyatı üçün mühüm əhəmiyyət kəsb edən qanun layihələrinin
hazırlanması prosesində ictimai rəyin nəzərə alınmasına müvəffəq olmaq.
6.İdarəetmənin təkmilləşdirilməsi istiqamətində: Vətəndaşların ərizə, şikayət
və təkliflərinə vaxtında baxılmasına və qaldırılan məsələlərin həllində deputat
fəaliyyətinin layiqincə göstərilməsinin təmin edilməsi.
7.İcra hakimiyyətinin,bələdiyyənin,
sahibkarların,qeyri-hökumət təşkilatlarının,ağsaqqal və ziyalıların iştirakı
ilə Məsləhət Şurasının yaradılması və aktiv fəaliyyətinin təmin edilməsi.
8.Ərazilərin sosial-iqtisadi problemlərinin həllində yerli özünüidarəetmə orqanlarının
rolunu artırmaq,bələdiyyələrin maliyyə təminatını və maddi-texniki bazasını
yaxşılaşdırmaq məqsədi ilə müvafiq qanunvericilik bazasının
təkmilləşdirilməsinə çalışmaq.
9.Ayrı-ayrı sahələrdə fəaliyyət göstərən kadrların,xüsusilə gənclərin
peşəkarlıq səviyyəsinin artırılması,eyni zamanda mövcud kadr tələbatının
ödənilməsi məqsədi ilə insan kapitalına olan sistemli yatırımların davam etdirilməsinə
nail olmaq.
10.İqtisadiyyatın inkişafı istiqamətində: Dövlət büdcəsi layihəsinin Milli
Məclisdə müzakirəsi zamanı regiona ayrılan maliyyə vəsaitlərinin artırılması məsələlərinin
qaldırılmasına nail olmaq.
11.Sahibkarlığın, o cümlədən yerli istehsalın inkişafı üçün əlverişli şərait
yarada bilən qanunların hazırlanmasına nail olmaq.
12.Kəndin və kəndlinin problemlərinin qanunvericilik yolu ilə həll edilməsinə
nail olmaq.
13.Aqrar sektora investisiyaların və güzəştli kreditlərin dövlət tərəfindən
artırılmasına dəstək olmaq.
14.Kənd təsərrüfatının texnika ilə təchizatının yaxşılaşdırılması,aqroservislərin
fəaliyyətinin artırılması məqsədilə qanunvericilik bazasının təkmilləşdirilməsinə
müvəffəq olmaq.
15.Mövcud vəziyyəti daha çox diqqət tələb edən kəndlərin inkişafı üzrə tədbirlərin
müvafiq dövlət proqramlarına daxil edilməsi məqsədilə aidiyyəti orqanlar
qarşısında məsələlərin qaldırılması.
16Qanunvericilik təşəbbüsündən istifadə edərək kənd təsərrüfatı məhsullarının
kəndlidən əlverişli şərtlərlə satın alınmasını nəzərdə tutan müvafiq hüquqi normaların
daha da təkmilləşdirilməsinə təşəbbüs göstərmək.
17Kənd təsərrüfatının inkişafına maneçilik törədə biləcək çətinliklərin aradan
qaldırılması məsələsi ilə ciddi məşğul olmaq.
18.Kəndlərin suvarma suyuna olan ehtiyacını ödəmək məqsədi ilə məsələnin
qaldırılmasına və həllinə nail olmaq.
19.İnfrastrukturun təkmilləşdirilməsi istiqamətində: Mərkəzi yolların çəkilməsi
ilə yanaşı həm də köməkçi və yeni kənd yollarının salınması ilə bağlı
məsələlərin qaldırılması.
20.Ehtiyac olan ərazilərdə su-kanalizasiya infrastrukturunun yenidən qurulması
ilə bağlı məsələnin hazırlanıb təklif edilməsi.
21.Ayrı-ayrı kəndlərdə içməli su probleminin həlli məqsədi ilə artezian
quyularının qazılması,bəzilərinin bərpa edilməsinə və su kəmərlərinin
çəkilməsinə müvafiq qaydada köməklik göstərilməsini təmin etmək.
22.Sosial məsələlər istiqamətində: Pensiya məbləğinin orta aylıq əmək haqqına
yaxınlaşdırılması təklifini gündəmə çıxartmaq.
23.İnsanların real ehtiyaclarının ayrı-ayrı müavinətlərlə uyğunluq təşkil
etməsini təmin edən məsələlərin gündəmə çıxarılmasına nail olmaq.
24.Xüsusi qayğıya ehtiyacı olan, habelə ahıl yaşlı insanların sosial rifahının daha
da yaxşılaşdırılması istiqamətində və onların asudə vaxtlarının xoş keçməsi
üçün yerlərdə əlverişli şəraitin yaradılması təkliflərini yerli icra
nümayəndələri qarşısında irəli sürmək.
25.İnternat və uşaq evlərinin məzunu olan gənclərin həyatlarının sonrakı mərhələsində
məşğuliyyətlərini təmin etmək məsələlərini daim gündəmdə saxlamaq.
26.Gənclər siyasəti istiqamətində: İpoteka kreditləri üzrə şərtlərin gənc
ailələr üçün yüngülləşdirilməsini nəzərdə tutan təkliflərin qaldırılmasını
təmin etmək.
27.Gənc ailələr tərəfindən mənzil tikintisi üçün onlara müvafiq torpaq fondunun
ayrılması məsələsini icra orqanları qarşısında qaldırılmasını təmin etmək.
28.Gənclərin asudə vaxtlarının səmərəli keçirilməsi və onların zərərli
vərdişlərdən uzaq olması, idmançı gənclərimizin idmanla müntəzəm məşğul
olmaları üçün ehtiyac olan ərazilərdə idman komplekslərinin və klubların
yaradılması məsələsini icra orqanları qarşışında qaldırmaq.
29.Təhsil sistemi istiqamətində: Uzaq kəndlərdə dərs deyən müəllimlər üçün imtiyazların
artırılmasının qanunvericilikdə təsbit olunmasını gündəmə gətirmək.
30.Xızı rayonunda ali və orta ixtisas məktəblərinin, eləcə də peşə məktəblərinin
açılmasına, o cümlədən təmirə ehtiyacı olan məktəblərin yenidən qurulmasına
dair müvafiq icra orqanları qarşısında lazımı məsələlərin həlli üçün çalışmaq.
31.Kompüter-internet şəbəkəsinin genişləndirilməsinə,informasiya-kommunikasiya texnologiyalarının
yeni nailiyyətlərinin tətbiqinin yayılmasına dair təkliflərin hazırlanması və
müvafiq qurumların köməkliyi ilə həyata keçirilməsinə nail olmaq.
32.Kitabxanaların günün tələblərinə uyğun fəaliyyət göstərilməsi üçün şəraitin
yaradılması.
33.Səhiyyə sistemi istiqamətində: İcbari tibbi sığortanın əhalinin bütün təbəqəsini
əhatə etməsi və hər bir vətəndaşın keyfiyyətli tibbi xidmət almasını təmin edən
qanunvericilik aktlarını dəstəkləyərək inkişaf etdirilməsinə dair təkliflər
irəli sürmək.
34.Regionda demoqrafik göstəricilərin ( doğum göstəriciləri,nigah,əhali artımı
və s.) müsbət istiqamətdə inkişafını reallaşdıran məsələlərin daim gündəmdə saxlanılması
və yeri gəldikcə parlamentin müzakirəsinə çıxarılmasına nail olmaq.
35.H.Zeynalabdin qəsəbəsində xəstəxana binasının və uşaq poliknikasının yenidən
tikilməsi məsələsini yerli icra orqanları qarşısında gündəmə gətirmək və həlli
üçün çalışmaq.
Qarabağımız...
36.İşğal altında olan Dağlıq Qarabağımız və yanaşı ətraf 7 rayonumuzun hələ də düşmən
işğalı altında olması faktını bir beynəlxalq idmançı kimi olduğum dünya
ölkələrində həqiqqətlərin əhatəli şəkildə dünya ictimaiyyətinə çatdırılmasında
aktiv iştirak etmişəm və bundan sonra da edəcəyəm;
36.Torpaqlarımızın azad olunması üçün dövlət siyasətinin ardıcıl olaraq
dəstəklənməsi və bu məsələnin müntəzəm olaraq parlamentin gündəliyinə
çıxarılmasına daim təşəbbüs göstərəcəyəm.
Xəbərdən istifadə edərkən istinad etmək vacibdir.
