Əlqəmə Orucov dünyasını dəyişib.
Xeberle.com-un məlumatına görə, Sumqayıt şəhərinin inkişafında xidmətləri olan Əlqəmə Orucov bu gün 90 yaşında vəfat edib.
Qeyd edək ki, Orucov Əlqəmə Musa oğlu 1931-ci ildə Zəngilan rayonunun Sarallı Xəştab kəndində dünyaya göz açıb. Gənc yaşlarından ömrünü doğma Sumqayıta bağlamış, burada avtomobil müəssisələrinin birində çalışaraq, təşkilatın rəhbərliyinə qədər yüksəlmişdir.
Əlqəmə Orucov uzun müddət Sumqayıt şəhər 2 saylı ərazi nəqliyyat idarəsinin rəisi vəzifəsində çalışıb.
Sumqayıt şəhərinin sosial-iqtisadi inkişafında xidmətlərinə görə Prezidentin sərəncamı ilə 2016-cı ildə "Tərəqqi" medalı ilə təltif olunub.
Xəbərdən istifadə edərkən istinad etmək vacibdir.
