Türkiyə və Azərbaycan arasındakı mədəni-ədəbi əlaqələrin yaranması, körpülərin qurulması və möhkəmlənməsində qələm adamlarının böyük zəhməti və sevgisi əsas rol oynayır. Hər iki qardaş ölkənin irəli sürdüyü ortaq layihələr və kitablar bu baxımdan xüsusilə önəmlidir.
Bu yaxınlarda türkiyəli şair, Azərbaycan sevdalısı Fethi Akının həm Anadolu, həm də Azərbaycan türkcəsində hazırlanan "Kimliksiz Sokaklar” ("Adsız küçələr”) kitabı çapdan çıxıb və oxucuların diqqətini çəkib. Kitabda şairin müxtəlif illərdə qələmə aldığı şeirlər yer alır. Əsəri Azərbaycan türkcəsinə AYB Sumqayıt bölməsinin sədri Gülnarə Cəmaləddin uyğunlaşdırıb. Redaktoru yazıçı, ssenarist, kulturoloq Hafiz Ataxanlı, korrektoru isə şair, yazıçı, tərcüməçi Rəfiqə Şəmsdir.
Kitabda şairin doğma şəhərimiz Sumqayıta həsr etdiyi "Sumqayıt” şeiri də yer alır.
Xəbərdən istifadə edərkən istinad etmək vacibdir.
