Sumqayıtda avtobus dayanacaqlarında kitab rəfləri quraşdırılır. Artıq şəhərin bir neçə hissəsində dayanacaqlarda  rəflər quraşdırılıb və kitablar yerləşdirilib. Sumqayıtın Nəriman Nərimanov, Bakı küçələrində əhalinin daha çox istifadə etdiyi dayanacaqlarda quraşdırılan rəflərin üzərinə isə  kitab oxumağa təşviqedici şüarlar əks olunub. 
Bu gün isə şəhərin Zülfi Hacıyev küçəsində yerləşən dayanacaqlarda  kitab rəflərinin quraşdırılmasına başlanıb.
Xatırladaq ki, bu təşəbbüs Azərbaycan Respublikası Prezidenti yanında Gənclər Fondunun maliyyə, Sumqayıt şəhər Gənclər və İdman Baş İdarəsinin və Sumqayıt Gənclərinin Sağlam Gələcəyi təşəbbüs qrupunun birgə təşkilatçılığı ilə həyata keçirilən "Kitab Oxuma Dayanacağı” (KOD) layihəsinə çərçivəsində reallaşır.