Çərşənbə axşamı, avqustun 1-də bütün bədəni döymə ilə dolu olan kanadalı model Rik Cenest ölüb.

Xeberle.com Publika.az-a istinadən xəbər verir ki, daha çox Zombi oğlan kimi tanınan model Monreal şəhərində öz evində intihar edib. Zombi oğlan 15 yaşından çoxsaylı döymələri ilə məşhurlaşıb. O, bədənindəki əcaib şəkillər sayəsində hətta Ginnesin Rekordlar Kitabına düşüb.

Model Ledi Qaqa və bir çox məşhurların klipində çəkilib. Ledi Qaqa sosial şəbəkədə Rikin ölümünə münasibət bildirib:
"Dostum Riki Cenestin intihar etməsi sadəcə, dəhşətdir. Biz mədəniyyəti dəyişmək üzərində əzmlə çalışmalı, psixi sağlamlığa daha çox diqqət yetirməli və deyə bilmədiyimiz mövhumatdan xilas olmalıyıq. Əgər siz əziyyət çəkirsinizsə, elə bu gün ailəsinizə və ya dostunuza zəng edin. Biz bir-birimizi qorumalıyıq”.