Xeberle.com-un məlumatına görə Poeziya Evinin direktoru İbrahim İlyaslı iştirakçılara qonaq haqqında geniş məlumat verib və bildirib ki, görüşün əsas məqsədi Türkiyə-Azərbaycan arasında ədəbi əlaqələrin inkişaf etdirilməsi, türkiyəli qonaqda Sumqayıt poeziyası haqqında daha geniş təəssürat oyatmaqdır.

"Dünya Türk Birliyi Ümumi Mərkəzi”nin sədr müavini Yasəmən Meydan belə bir görüşün təşkil edildiyi üçün iştirakçılara və İbrahim İlyaslıya xüsusi minnəttdarlığını bildirib. Y.Meydan əsrlərə dayanan Türkiyə-Azərbaycan münasibətlərindən bəhs edərək, türklərin və türkçülüyün onun üçün daşıdığı önəmi vurğulayıb.

Azərbaycan Yazıçılar Birliyinin Qubadlı Bölməsinin sədri Namiq Məna, şairlər Ofelya Babayeva, Lilpar Cəmşidqızı, Novruz Qələndərli, Nadir Azayoğlu, Xatirə Fərəcli, Ədalət Nicat, Elvin Əlizadə, Məryəm Aslanqızı, Murad Ərturan, yazıçılar Arif Ərşad, Almaz Bəyazid və pedaqoq Gülnarə Vəlixanlının da iştirak etdiyi tədbirdə  geniş fikir mübadiləsi aparılıb. 

Qeyd edək ki, Sumqayıt şəhər Poeziya Evi artıq neçənci dəfədir ki, Türkiyə-Azərbaycan arasında ədəbi əlaqələrin inkişaf etdirilməsi istiqamətində keçirilən tədbirlərə ev sahibliyi edir.

Elnarə Salamova

Xeberle.com

Foto: Şakir Rəhman