Bir çox maraqlı hekayə, povest və romanların, dünya ədəbiyyatından tərcümələrin müəllifi yazıçı Arif Ərşadın yeni "Gecikmiş etiraf" romanı işıq üzü görüb.
Xeberle.com-un məlumatına görə, redaktoru Qadir Sultanın, korrektoru Təranə Musayevanın olduğu "Gecikmiş etiraf" romanının əsas qəhramanları - mühəndis Şahlar və onun qızı - kitabxanaçı Şölə dəfələrlə taleyin amansız zərbələrinə tuş gəlsələr də, həyat onları zaman-zaman mürəkkəb seçim qarşısında qoysa da, onlar sarsılmır, insaniyyət, xeyirxahlıq və nəciblik hisslərini itirmirlər.
Bir ailənin, bir nəslin onilliklər boyu həyat tarixçəsini oxucuya təqdim edən yazıçı, ölkədə baş verən ictimai-siyasi hadisələrin də dialektikasını diqqətdə saxlayır. Əsərin qəhrəmanları haqsızlıqlarla, doğmalarının dönüklüyü ilə üzləşsələr də, bütün hallarda öz həyat prinsiplərinə, yüksək əxlaqi-mənəvi dəyərlərə sona qədər sadiq qalırlar.
Romanı oxuyan oxucular qəhrəmanların taleyinə biganə qala bilmirlər və əsər boyu özlərini hadisələrin iştirakçısı kimi hiss edirlər.
Xəbərdən istifadə edərkən istinad etmək vacibdir.
