Sumqayıt şəhərinin "Yaşıl dərə” yaşayış massivində sakinlər ciddi narahatlıq içindədir. Ərazidə çoxalan sahibsiz itlərin aqressiv davranışları xüsusilə qadın və uşaqlar üçün təhlükə yaradıb.
Sakinlərin Xeberle.com-a bildirdiyinə görə, son günlər küçə itləri insanların üzərinə hücum edir, məktəbə və ya işə gedib-gəlmək çətinləşib. Xeberle.com-a göndərilən görüntülərdən də aydın olur ki, bir qadın küçə itlərinin hücumuna məruz qalır və ətrafdakı şəxslərin müdaxiləsi ilə vəziyyət nəzarətə götürülür.
Massivdə yaşayanlar bildirirlər ki, problem artıq uzun müddətdir davam edir və məsələ ilə bağlı aidiyyəti qurumlara müraciət edilsə də, hələlik ciddi tədbir görülməyib. Valideynlər uşaqlarını təkbaşına küçəyə buraxmağa çəkinir.
Sakinlər məsul qurumları təcili tədbir görməyə və ərazidə təhlükəsizliyin təmin olunmasına çağırırlar.
Xeberle.com
Xəbərdən istifadə edərkən istinad etmək vacibdir.
