Xeberle.com-un məlumatına görə, Sumqayıtda kadr islahatları davam edir. Bu dəfəki dəyişiklik Sumqayıt şəhər İcra Hakimiyyətində baş verib. Belə ki, uzun illərdir Sumqayıt şəhər İcra Hakimiyyətində işləyən Seyfəddin Rəhimov işdən azad olunub.
Qeyd edək ki, S. Rəhimov İcra hakimiyyətinin İctimai-siyasi və humanitar məsələlər şöbəsində baş məsləhətçi vəzifəsində çalışırdı. Onu da bildirək ki, S. Rəhimov Sumqayıt şəhər İcra Hakimiyyətinin başçısı işləmiş Şakir Abuşovun dövründə müavin postunu tuturdu. O, Sumqayıt da bir sıra icra başçıları ilə çalışıb və icra hakimiyyətində ən uzunömürlü məmur kimi yadda qalıb.

Xatırladaq ki, bir müddət əvvəl Sumqayıta İcra Başçısı təyin olunan Zakir Fərəcov şəhərdə kadr islahatlarına başlayıb.

Görünən odur ki, bu islahatlar bundan sonra da davam etdiriləcək.
Xeberle.com