Rusiya Turizm Federal Agentliyi ("Rosturizm”) tur operatorları, terror təhdidi ilə əlaqədar Türkiyəyə turların satışı qadağan edib.
Xeberle.com Rusiya KİV-lərinə istinadən məlumat verir ki, bu varədə "Rosturizm” xəbər yayıb: "Bu, Türkiyədə baş verən hadisələrdən sonra Rusiya vətəndaşlarını qorumaq və müdafiəsini təmin etmək üçün atılan addımdır. Türkiyədəki indiki vəziyyət turistlərin təhlükəsizliyini təhlükə altına qoyur”.
Rusiyanın xarici işlər naziri Serqey Lavrov terror təhdidi ilə əlaqədar olaraq Türkiyəyə səyahəti məsləhət bilmədiyini bəyan edib.
"Rosturizm” bildirib ki, Türkiyəyə Rusiyanın turizm şirkətləri tərəfindən səyahətlərin təşkili üçün xidmətlərin göstərilməsi, Rusiya qanunvericiliyinin kobud şəkildə pozulmasıdır və həmin təşkilatçılara qarşı hüquqi məsuliyyət tətbiq ediləcək. Bu baxımdan "Rosturizm” Rusiya tur operatorlarına üçüncü ölkələr vasitəsilə, o cümlədən Türkiyə haqda təşviq və turizm məhsullarının tətbiqinə, eləcə də ayrı-ayrı turizm xidmətlərinin göstərilməsi xidmətlərini dayandırmağı tövsiyə etdiyini bildirib. Rus turistlərinin bu bəyanatdan sonra aldıqları turları indi 100% geri ödənilmiş çeklə tələb etmək hüququları var. Məsələn, Rusiya tur operatorları Yeni ilə Türkiyəyə 5000-ə yaxın turların satıldığını bildiriblər.
Rusiya KİV-ləri bildirib ki, Türkiyəyə turların satışının dayandırılmasına səbəb Türk Hava qüvvələri tərəfindən Suriyanın Lazkiyə vilayətində qəzaya uğramış Rusiya Su-24 bombardmançısının vurulmasıdı idi.
Türkiyə tərəfi isə bu təyyarənin ölkələrinin hava sərhədini pozduğunu bəyan edib və Türkiyə tərəfi Suriyada hərbi əməliyyat zamanı Türkiyə hava sahəsini pozan Rusiya təyyarələri barədə xəbərdarlıqlar etmişdir. Eyni zamanda, Rusiya Müdafiə Nazirliyi də öz növbəsində hərbi təyyarələrin uçuşlarının yalnız Suriya ərazisində uçduğu bəyanatını yaymışdır. Məsələ mübahisəli olaraq qalır.
Emin Əliyev, Xeberle.com