Biz Azərbayana qayıdırıq və martın 27-dən etibarən 100 manatdan da ucuz qiymətlərlə uçuşlara başlayırıq. Fins.az-ın məlumatına görə, bu barədə Macarıstanın məşhur lokost şirkəti –«WizzAir»in CEO-su və Direktorlar Şurasının sədri Yojef Varadi jurnalistlərə bildirib.
Həftədə 2 reys – Bakıdan
Şirkət rəhbəri bildirib ki, Bakı-Budapeşt istiqaməti üzrə reyslər həftədə iki dəfə həyata keçiriləcək. Gözlənildiyi kimi, reysmlər gecələr olacaq. Birinci reys çərşənbə günü gecə Bakıdan çıxıb cümə axşamı səhər Budapeştə çatacaq. İkinci reyslə isə bazar günü gücə Bakıdan çıxıb bazar ertəsi səhər Budapeştə atmaq mümkün olacaq.
Şirkət rəhbəri bildirib ki, hələlik reystlər həftədə iki dəfə olacaq. Amma gələcəkdə sərnişinlərin sayının artması və marağın böyük olması aşkarlansa, reyslərin həm sayı arta bilər, həm də coğrafiyası genişlənə bilər. Belə ki, «WizzAir» təkcə Bakıdan yox, gələcəkdə Azərbaycanan regionlarındakı aeroportlardan da uça bilər: «Düşünürük ki, insanlara maraqlı olacağıq. Çalışacağıq ki, həftə içi reyslərin sayını artıaq».
Qiymətlər 60 avrodan başlayır
«WizzAir»lə Bakıdan Budapeştə biletlərin qiyməti 59,99 avrodan (təqribən 108 manatdan) başlayır. «Sərfəli qiymətlərmiz sayəsində təkcə Bakıdan Budapeştə deyil, başqa istiqamətlərə də uça biləcəksiniz».
Şirkət rəhbəri bildirir ki, sərnişinlərin əksəriyyəti Budapeşti Avropaya giriş qapısı sayır və buradakı 40 istiqamətdən Avropaya uçmaq olar. Bura yeni şəərlər də əlavə olunur və Bakıdan Budapeştə gedən sərniinlər bu istiqamətlərə də uça bilərlər: «Məsələn, siz 100 manata Bakıdan Budapeştə, üzərinə 100 manatdan da az pul əlavə eləməklə Budapeştlən Londona da uça biləcəksiniz. Beləliklə 200 manata siz Bakıdan Londona uça bilərsiniz»-deyə Varadi bildirib.
Biletlərin əsas hissəsi 75-80 avrodan satılacaq
Amma şirkət rəhbəri özü də etiraf etdi ki, Bakıdan Budapeştə uçuş üçün hazırda lan edilmiş 60 avroluq qiymət bütün biletlərə aid deyil: «Əslində bu qiymətə təyyarədəki yerlərin yalnız 25-30-u satılacaq. Biletlərin əsas hissəsi isə 75-80 avrodan satalacaq»-deyə Varadi bildirib.
Viza məsələsi də həll olunub
«WizzAir»in işini asanlaşdırmaq üçün Macarıstanın səfirliyi də şirkətə dəstək verəcək. Y.Varadi bildirir ki, «WizzAir»in Azərbaycanda fəaliyyət göstərdiyi əvvəlki dövrdə viza məsələsində problemlər vardı: «Macarıstan səfirliyi viza verib çatdırmaq üçün sərnişin axınını qarşılaya bilmirdi». İndi isə vizaların verilməsi sürətlənəcək: «Xoş xəbər var ki, səfirlikdə vizaların verilməsi üçün 2-ci pəncərə açılıb, yəni vizaların verilməsi sürəti artırılacaq. Digər tərəfdən Macarıstana viza almaq üçün viza agentliyi də işə başlayıb, bu da vizaların verilməsini asanlaşdıracaq və əvvəlki çətinliklərə imkan verməyəcək.
Yeni xidmətlər var
Y.Varadi bildirib ki, şirkətin xidmətlərində də yeniliklər: «Bunlardan biri yer seçimidir. Bunun sayəsində hər bir sərnişin yer seçə bilir. Belə ki, rezervasiya etdikdə sərnişinə yer verilcək. Amma bu yeri dəyişmək istəyən sərnişinlər, məsələn pəncərə qarşısında oturmaq istəyənlər və sair müştərilər istəsələr yerlərini dəyişə bilərlər. Digər sistemin olması nəticəsində kompüter çantaları və qadınlar üçün öz çantalarını içəri aparmaq pulsuzdur».
Yük daşıma məhdudiyyəti dəyişib
«WizzAir» yük daşıma qaydasını da dəyişib. Şirkət rəhbərinin sözlərinə görə, «sərnişinlərin rahatlığı üçün yük daşıma məhdudiyyətlərini də dəyişmişik. Bəzi şirkətlər baqajın ən çox 23 kq olmasını istəyir. Bizdə isə 2 variant var. Sərnişinlər 23 və 30 kq baqajı təhvil verib daşıya bilərlər».
Daimi müştərilərə güzəşt
«Bizim şirkətlə tez-tez uçan sərnişinlər üçün də yeni xidmət var. Bu xidmət ildə 100 avrodan da aşağı qiymət ödəyərək yer seçməyə, prioritet olaraq təyyarəyə girməyə və əlavə çantanı təyyarəyə aparmağa imkan verir»-deyə Varadi bildirib.
Xatırladaq ki, hazırda «WizzAir» uzuz qiymətlərlə 38 ölkədə 400 istiqamətə uçur: «İki yeni istiqamət bu il açılacaq. Bunlar Gürcüstanın Kutaisi şəhəri və Rumıniyadır».
Xəbərdən istifadə edərkən istinad etmək vacibdir.