Azərbaycanda keçiriləcək növbədənkənar prezident seçkilərində namizədlərdən sənəd qəbuluna fevralın 20-də start veriləcək. Qanunvericiliyə görə, prezidentliyə namizəd olmaq istəyən şəxslər sənədlərini səsvermə gününə ən çoxu 50 (20 fevral) və ən azı 30 gün qalmış saat 18.00-dək Mərkəzi Seçki Komissiyasına (MSK) təqdim etməlidirlər. İrəli sürülmüş namizədlərin qeydə alınması üçün namizəd və ya siyasi partiyanın, siyasi partiyalar blokunun səlahiyyətli nümayəndəsinin seçki sənədlərini MSK-ya təqdim etməsi üçün ayrılan müddət martın 12-də başa çatacaq.

 

Məlum olduğu kimi, seçkilərin əsas mərhələlərindən biri namizədlərin təbliğat-təşviqat kampaniyası bitdikdən sonra gələn səsvermə prosesidir. Seçki dairələri,səsvermə məntəqələri və seçicilər isə bu prosesin həyata keçirilməsində iştirak edən önəmli faktorlardandır.

Maraqlıdır bəs görəsən Sumqayıtda neçə seçici var?

Xeberle.com olaraq Sumqayıtda seçicilərin sayı ilə bağlı kiçik bir araşdırma etdik.

Qeyd edək ki, Sumqayıtda 4 seçki dairəsi var. Bunlar 41 saylı Sumqayıt I seçki dairəsi, 42 saylı Sumqayıt II seçki dairəsi, 43 saylı Sumqayıt III seçki dairəsi və 44 saylı Sumqayıt-Xızı seçki dairəsidir.

Mərkəzi Seçki Komissiyasının rəsmi saytında 41 saylı Sumqayıt I seçki dairəsində 33 seçki məntəqəsi olmaqla 43209, 42 saylı Sumqayıt II seçki dairəsində 38 seçki məntəqəsi olmaqla 42810, 43 saylı Sumqayıt III seçki dairəsində 34 seçki məntəqəsi olmaqla 43705 və 44 saylı Sumqayıt-Xızı seçki dairəsində isə 43 seçki məntəqəsi olmaqla 41606 seçici var.

Ümumilikdə isə seçicilərin sayı isə 171330 nəfər təşkil edir.

Elnarə Salamova

Xeberle.com

Xəbərdən istifadə edərkən istinad etmək vacibdir.