Məlumdur ki, aprel 11-də Azərbaycanda növbədənkənar prezident seçkiləri keçiriləcək.
Bu seçkilərdə ilk dəfə səs verəcək seçicilərə də rast gəlinəcək. Elə bu məqsədlə Sumqayıtda fəaliyyət göstərən seçki dairələrində ilk dəfə səs verəcək seçicilərlə bağlı araşdırma apardıq.
Məlum oldu ki, 41 saylı Sumqayıt I seçki dairəsində bu il 18 yaşı tamam olmuş 159 seçici var.
42 saylı Sumqayıt II seçki dairəsində isə ilk dəfə səs verəcək seçicilərin sayı 195 nəfərdir. Onlara 1-11 aprel tarixlərində 18 yaşı tamam olan gənclərin sayı 10 nəfər, seçki günü səsvermə hüququ əldə edən gənclərin sayı isə 2 nəfər təşkil edir.
43 saylı Sumqayıt III seçki dairəsində ilk dəfə səs verəcək seçicilərin sayı 168 nəfərdir.
44 saylı Sumqayıt-Xızı seçki dairəsinə gəldikdə isə ilk dəfə səs verəcək seçicilərin sayı 639 nəfər təşkil edir ki, onlardan 26 nəfərinin 18 yaşı var.
Ümumi olaraq bu seçki dairələrindən ilk dəfə səsvermədə iştirak edəcək şəxslərin sayı 1161 nəfərdir.
Qeyd edək ki, Azərbaycan Respublikası Konstitusiyasının 56-cı maddəsində və Azərbaycan Respublikasının Seçki Məcəlləsinin 14-cü maddəsində nəzərdə tutulan hallar istisna olmaqla, Milli Məclisə seçkilərin, Prezident seçkilərinin, bələdiyyələrə seçkilərin, referendumun keçirilməsi günü (həmin gün də daxil olmaqla) 18 yaşına çatmış Azərbaycan Respublikasının hər bir vətəndaşının seçmək, referendumda səs vermək, seçkilərin (referendumun) gedişini müşahidə etmək, seçkiqabağı (referendumqabağı) təşviqatda iştirak etmək, bu Məcəllə ilə nəzərdə tutulmuş seçki hərəkətlərində və referendumun hazırlanması ilə bağlı hərəkətlərin həyata keçirilməsində iştirak etmək hüququ — aktiv seçki hüququ vardır.
Elnarə Salamova
Xeberle.com
Xəbərdən istifadə edərkən istinad etmək vacibdir.
