Azərbaycanda
aprelin 11-nə təyin edilən Prezident seçkiləri ilə əlaqədar seçkiqabağı təşviqat
aparmaq üçün ölkənin şəhər və rayon mərkəzlərində müəyyən edilən açıq və qapalı
yerlərin siyahısı açıqlanıb.
Xeberle.com xəbər
verir ki, yerlər "Sərbəst toplaşmaq azadlığı haqqında” qanununa müvafiq olaraq
ayrılıb.
Bunun üçün
ölkənin 76 şəhər və rayonunda yer müəyyən edilib. Müəyyənləşdirilən ünvanların
sayı isə 152-dir. Onlardan 76-sı açıq, 76-sı isə qapalıdır. Bakı şəhərinin 12
rayonunun hər birində seçicilərlə görüş üçün açıq və qapalı yerlər ayrılıb.
Qeyd edək
ki, seçkiqabağı təşviqat martın 19-da başlayır.
Sumqayıt şəhərində
isə seçkiqabağı təşviqat aparmaq üçün Sumqayıt şəhər "Kimyaçılar” Mədəniyyət Sarayının
qarşısı, Nəriman Nərimanov adına Sumqayıt Mədəniyyət Mərkəzi ayrılıb.
Qubadlı
rayonunun bir sıra inzibati qurumları Sumqayıtda yerləşdiyindən sözügedən
rayonda təbliğat aparmaq üçün yerlər də Sumqayıt şəhərindən ayrılıb.
Belə ki,
prezidentliyə namizədlər Sumqayıt şəhəri,12-ci mikrorayon, Qubadlı rayon Çaytumas
kənd tam orta məktəbinin həyəti və Sumqayıt şəhəri "28 May” Mədəniyyət Evində görüşlər keçirə bilərlər.
Xəbərdən istifadə edərkən istinad etmək vacibdir.
