Rusiyalı dizayner Vyaçeslav Aleksandrov yeni supercar "Lada Questa”nın fotolarını paylaşıb.
"Ölkə.Az” xəbər verir ki, yeni avtomobilin dizaynında "Lada Xray” və "Lada Vesta” modellərinin xətləri əsas götürülüb. Yəni, AvtoVAZ şirkətinin korporativ dizaynındakı X-şəkilli xüsusiyyətlər nəzərə alınıb. Yeni dizaynı görən avtomobil həvəskarları, dizaynerin "Lada” və "Bugatti”nin hibridini yaratdığını bildiriblər.
Aleksandrov 2002-ci ildən avtomobil dizaynı ilə məşğul olduğunu açıqlayıb.
"Əslində avtomobil dizaynı mənim hobbimdir. Düzdür, bir neçə dəfə sifariş də almışam, lakin tamamilə başqa sahədə işləyirəm”, - deyə dizayner bildirib.
Vyaçeslav Alekssandrov onu da bildirib ki, "Bugatti” ilə olan oxşarlıq tamamilə təsadüfdür.
Xəbərdən istifadə edərkən istinad etmək vacibdir.
