Azərbaycan Prezidentinin rəsmi səhifəsi - president.az saytından ölkə
başçısının verdiyi fərman və sərəncamlar, görüşlər, səfərlər, qəbullar, qəbul
edilən sənədlərlə yanaşı, Azərbaycanda baş verən yeniliklərlə də tanış ola
bilərik. Hətta saytdakı "Prezidentə
məktub yazmaq” bölməsindən ölkə başçısına məktub yazmaq da mümkündür. Odur ki,
vətəndaşlar mütəmadi olaraq öz istək və arzularını ölkə prezidentinə elektron
qaydada bildirirlər.
Xəbərlə.com saytı olaraq, apreldə Sumqayıt sakinləri tərəfindən
yazılan bir neçə məktubu təqdim edirik:
Masi Əvəz qızı Məmmədovadan:
Sizə bir şəhid anası kimi müraciət edirəm. Əvvəlcə Sizi dövlətimizə
yenidən rəhbər seçilməyiniz münasibətilə səmimi qəlbdən təbrik edirəm. Siz elə
bir ailədə böyüyüb tərbiyə almısınız ki, bu ailə heç vaxt ölkənin düşdüyü
vəziyyətə, millətin halına biganə qala bilməz. Sizin ulu öndər Heydər Əliyev
kimi atanız olub. İnanıram ki, xalqımızın inamı və dəstəyi ilə uğurlarınız
davam edəcək.
Mən Sizə bir şəhid anası olaraq minnətdarlığımı da bildirirəm. Dünən
səhər verdiyiniz Fərmanı nəvəm mənə oxudu. Şəhid ailələrinə 11 min manatın
verilməsi xəbəri bizə təsəlli oldu. Mənim balam şəhidlik zirvəsinə ucaldı.
Sizin biz şəhid analarına maddi kömək olmağınız balalarımızın ruhuna
göstərdiyiniz ehtiramın bir nümunəsidir. Çox sağ olun.
Biz Sizi və Birinci vitse-prezident Mehriban xanımı dəstəkləyirik və
həmişə Sizinləyik. Unutmayın ki, bar verən ağaca daş atan çox olur. Siz daim
irəli gedin, biz də xalq olaraq Sizin arxanızdayıq
Zərifə
Əhliman qızı Məmmədovadan:
Əziz Prezidentim.
Mən şəhid ailəsinin
üzvüyəm. Sizin ölkəmizə rəhbərliyiniz dövründə - 2012-ci ildə dövlət tərəfindən
mənzillə təmin olunmuşam. Təqaüdümü də vaxtında alır, 2 övladımla bu sakit
Azərbaycanımızda firavan yaşayıram.
Ölkəmizdə keçirilən
prezident seçkilərində xalqın mütləq əksəriyyəti kimi, biz də ailəliklə Sizə
səs verdik və ölkəmizi yenidən Zati-alinizə etibar etdik. Biz Sizə inanır və
güvənirik.
Hörmətli cənab
Prezident, bir neçə gün bundan əvvəl Siz bizi növbəti dəfə çox sevindirdiniz.
Azərbaycanın ərazi bütövlüyü uğrunda həlak olmuş hərbi qulluqçuların ailə
üzvlərinin sosial müdafiəsinin yaxşılaşdırılması ilə bağlı Fərmanınızı ürəkdən
alqışlayırıq. Allah Sizdən razı olsun, Sizi və ailənizi qorusun.
Xeberle.com
Xəbərdən istifadə edərkən istinad etmək vacibdir.
