Bu haqda Xeberle.com-a Sumqayıt Şəhər Təhsil Şöbəsinin aparıcı məsləhətçisi Oktay Nuriyev məlumat verib. SŞTŞ-nin tabeliyindəki ümumi təhsil məktəblərinin I sinfində 6500-dən çox, V sinfində 5500, VI sinfində 4800, VII sinfində 4690 , VIII sinfində 4300, IX sinfində 3619, X sinfində 2890, XI sinfində isə 2707 şagird təhsil alacaq.

Sumqayıtdakı 46 ümumi təhsil müəssisəsində 150 məktəbəhazırlıq qrupunun fəaliyyət göstərməsi nəzərdə tutulub. Şəhərin ümumtəhsil məktəblərində yeni dərs ilinə hazırlıq işləri davam edir. 2018-2019-cu dərs ilinə hazırlıq çərçivəsində Sumqayıt şəhər Təhsil Şöbəsinin tabeliyində fəaliyyət göstərən məktəblərdə əsaslı təmir işləri aparılıb. Bundan əlavə, əsaslı təmirə ehtiyacı olan məktəblərin siyahısı hazırlanıb . Ümumtəhsil məktəblərinin təmir-tikinti işləri son illərdə davamlı olaraq həyata keçirilir və bu işlər ümumilikdə, tədris məkanlarının təhsil şəraitinin yaxşılaşdırılmasına, tədrisin keyfiyyətinin yüksəldilməsinə xidmət edir. Təhsil nazirinin əmrinə əsasən, ümumi təhsil müəssisələrində 2018-2019-cu tədris ilində ilk dərslər ibtidai siniflərdə "Vətənim Azərbaycan”, V-IX siniflərdə "Dövlət rəmzləri-müstəqilliyimizin simvolu”, X-XI siniflərdə "Azərbaycan Xalq Cümhuriyyəti-dövlətçiliyimizin bayraqdarı” mövzularına həsr olunacaq.

Qeyd edək ki, Sumqayıt şəhər Təhsil Şöbəsinin tabeliyində 3-ü lisey tipli olmaqla. ümumi 50 məktəb fəaliyyət göstərir.