Sumqayıt şəhər İcra
Hakimiyyətinin başçısı Zakir Fərəcov Sumqayıt şəhər 2-ci məhəllədə yerləşən 40
saylı körpələr evi-uşaq bağçasında olub.
Xeberle.com-a verilən
məlumata görə, şəhər rəhbəri bağçadauşaqlar üçün yaradılmış şəraitlə yaxından tanış olaraq, yataq
otaqlarına, mətbəxə, oyun otaqlarına baxış keçirib.
Sumqayıt şəhər İcra
Hakimiyyətinin başçısı Zakir Fərəcov uşaqlarla söhbət edib, xatirə şəkli çəkdirib.
Vurğulanıb ki, son
illərdə Sumqayıt şəhərində məktəbəqədər tərbiyə müəssisələrində mövcud olan
problemlər əsasən aradan qaldırılıb, aparılanmetodik işlərin vəziyyəti, uşaqların təlim-tərbiyəsi və ərzaq təminatı məsələsi
ciddi nəzarətdə saxlanılır. Bağçalarda istilik sistemi tam bərpa olunub. Əmək
intizamına riayət edilməsi və ərzaq təchizatı ilə bağlı mütəmadi olaraq reydlər
və yoxlamalar keçirilir. Təmirə ehtiyacı olan 44 bağçada şəhər İcra Hakimiyyətinin
yaxından köməyi və daxili imkanlar hesabına təmir işləri aparılıb.
Z. Fərəcov, həmçinin 9 və 11 saylı orta məktəblərdə də mövcud şəraitlə yaxından tanış olub, tapşırıq və tövsiyələrini verib.
Bildirilib ki, ölkəmizdə, eləcə də Sumqayıt şəhərində təhsilə dövlət tərəfindən xüsusi diqqət və qayğı göstərilir. Təhsil müəssisələrində tədrisin, təlim-tərbiyənin keyfiyyətinin yaxşılaşdırılması, onun maddi-texniki bazanın möhkəmləndirilməsi, hər zaman diqqət mərkəzində saxlanılır.
Şəhərdə aparılan abadlıq və quruculuq işlərinin ümumi ahənginə uyğun olaraq məktəb ərazilərinin abadlaşdırılması və yaşıllaşdırılması işləri həyata keçirilir.
Yeni dərs ilinə hazırlığı təmin etmək məqsədi ilə bütün məktəblərdə təmir işləri aparılıb, istilik sistemləri təmir olunub, mövcud çatışmazlıqlar aradan qaldırılıb.
Xəbərdən istifadə edərkən istinad etmək vacibdir.
