Sumqayıt
şəhərinin bir sıra ərazilərində içməli
suyun verilməsində məhdudiyyətlər olacaq.
Bu
barədə Xeberle.com-a Sumqayıt şəhər Sukanal
idarəsinin rəis müavini Qurban Mikayılov
bildirib. Onun sözlərinə görə, 4,5,10,12,17,18- ci mikrorayonlarda və 47,48-
ci məhəllələrdə mərhələli olaraq içməli suyun verilişində fasilələr olacaq:
"Köhnəlmiş, qismən də sıradan çıxmış şəbəkə yenidən qurulur.Su sistemı
ümumiyyətlə uzun zamandır ki, yenilənmirdi və nəticədə də borular partlayaraq
zirzəmilərə axırdı. Şəbəkənin yenilənməsində əsas məqsəd də odur ki, zirzəmilərin suyu qurudulsun və əhali fasiləsiz
olaraq içməli su ilə təmin edilsin. Prosesə
17-ci mikrorayondan başlanılıb. Və bu
mikrorayonda artıq işlər yekunlaşmaq üzrədir. İşlər tam yekunlaşdıqdan sonra
mikrorayonun sakinləri içməli su ilə fasiləsiz olraq təmin olunacaq. Ümumi təmir işləri 2-3 ay müddətində davam edəcək.
Qeyd
edək ki, bu gün də 17-ci mikrorayonda 3 bina yeni şəbəkəyə qoşulduğu üçün axşam
saat 6 –ya qədər suyun verilişi dayandırılıb.
Sentyabrın
27-dən isə daha 4 binanın şəbəkəyə
qoşulması prosesi davam edəcək və suyun verilişi səhər saat 10
–dan axsam saat 6 -ya qədər
dayandırılacaq.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
