Havalar günbəgün soyuyur və artıq qış mövsümünə doğru gedirik. İnsanları düşündürən məsələlərdən biri də kommunal xidmət göstərən qurumların qışa hazırlığı məsələsidir.
Onların qışa hazırlığının hansı səviyyədə olduğunu öyrənmək üçün bu dəfə "Azəriqaz" İstehsalat Birliyi Sumqayıt Qaz-İstismar Sahəsi ilə əlaqə saxladıq. İdarənin baş mühəndisi Teymur Balıyev qışa tam hazır olduqlarını dedi: "İlin fəslindən asılı olmayaraq əhali tələbata uyğun olaraq mavi yanacaqla təmin olunur. Qaz-İstismar İdarəsi istehlakçıların qaz təminatının yaxşılaşdırılması, o cümlədən tələbata uyğun, fasiləsiz təbii qazla təmin olunması sahəsində də bir sıra tədbir həyata keçirib. Problemli ərazilər olan Novxanı bağlarının bəzi küçələrində, Yaşıldərə adlanan ərazidə, 20-21-ci mikrorayonlarda yeni qaz xətləri çəkilib. Adıçəkilən ərazilərdə qazlaşdırılma pərakəndə şəkildə, istismara dözümsüz, keyfiyyət səviyyəsi aşağı dərəcədə olan borularla çəkildiyi üçün orada fəsildən asılı olmayaraq promlemlər yaranırdı. İdarə yeni qaz xətləri çəkərək ərazinin fasiləsiz qaz təminatını bərpa edib. İdarə payız qış mövsümünə tam hazırdır".
Xədicə Səvaxətqızı
Xeberle.com
Xəbərdən istifadə edərkən istinad etmək vacibdir.
