Milli Məclisin bu gün keçirilən
plenar iclasında Azərbaycan Ali Məhkəməsinə, Naxçıvan Muxtar Respublikası Ali Məhkəməsinə,
Bakı, Gəncə, Sumqayıt, Şirvan və Şəki apellyasiya məhkəmələrinə yeni hakimlərin
təyin edilməsi məsələsinə baxılıb.
Layihə səsverməyə çıxarılaraq qəbul
edilib.
Xeberle.com-un məlumatına görə, Babayeva
Hökümə Çingiz qızı, Əsgərova Ruhiyyə Orucəli qızı, Məmmədov Fuad Əli oğlu,
Rzayev Məhəmmədəli Əsəd oğlu Sumqayıt Apellyasiya Məhkəməsinin hakimləri təyin
ediliblər.
Sumqayıt Apellyasiya Məhkəməsinin yeni hakimləri ilə
yaxından tanış olaq.
Əsgərova Ruhiyyə Orucəli qızı
O, 1998-cı ildə Təfəkkür
Universitetinin Hüquq fakültəsini, 2006-cı ildə Azərbaycan Respublikasının
Prezidenti yanında Dövlət İdarəçilik Akademiyasının Dövlət və bələdiyyə idarəetməsi
fakültəsini, 2010-cu ildə isə Bakı Dövlət Universitetnin Hüquq fakültəsini
bitirib. 2000 - 2013-cü illərdə Abşeron rayon İcra Hakimiyyəti Başçısı
Aparatının hüquq şöbəsinin hüquqşünası, sonralar müdiri olub. 2013-cü ildən
Sumqayıt Şəhər Məhkəməsinin hakimidir.
Babayeva Hökümə Çingiz qızı
O, 2002- ci ildə Bakı Dövlət Universiteti. Hüquq fakültəsi, 2006-cı ildə Bakı Dövlət Universitetinin
Hüquq fakültəsini (magistratura) bitirib.
2002 – 2007- ci illərdə Bakı Şəhəri Nərimanov Rayon Məhkəməsinin
makinaçı-operatoru, məsləhətçi iclas katibi, 2007 – 2013- cü illərdə Bakı Şəhəri Nəsimi Rayon Məhkəməsinin məsləhətçi
iclas katibi, hakim köməkçisi, 2013 – 2018 ci illərdə 2 saylı Bakı İnzibati-İqtisadi Məhkəməsinin
hakimi olub.
Məmmədov Fuad Əli oğlu
O,2003 Bakı Dövlət Universitetinin Hüquq fakültəsini bitirib.
2001 – 2005- ci illərdə Bakı Şəhəri Səbail Rayon Məhkəməsinin məhkəmə
iclas katibi, məsləhətçi-məhkəmə iclas katibi, 2005 – 2007- ci illərdə Apellyasiya Məhkəməsinin böyük məsləhətçisi, 2007 – 2008- ci illərdə Bakı Apellyasiya Məhkəməsinin Aparatının məsləhətçisi,
2008 – 2013 – cü illərdə Bakı Apellyasiya Məhkəməsinin Ümumi şöbəsinin məsləhətçisi,
2013 –2018 ci illərdə Bakı Şəhəri Xətai Rayon Məhkəməsinin hakimi olub.
Rzayev Məhəmmədəli Əsəd oğlu
O, 2000-ci ildə Azərbaycan Universitetinin Hüquq fakültəsini
bitirib.
2003 – 2013-cü illərdə Bakı Şəhəri
Qaradağ Rayon Məhkəməsinin məsləhətçi-dəftərxana müdiri, böyük məsləhətçisi,
böyük mütəxəssis-dəftərxana müdiri,
2013 – 2018- ci illərdə Lənkəran Rayon Məhkəməsinin hakimi olub.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
