Bəs Sumqayıtda bu il kimlər postundan azad edildi?

Xeberle.com olaraq kiçik bir araşdırma apardıq.

2018-ci il başlar-başlamaz Sumqayıt şəhər İcra hakimiyyəti başçsının birinci müavini Faiq Kərimov tutduğu vəzifədən azad edildi.

Bu il Sumqayıt Şəhər İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma İdarəsinin rəisi Seyfulla Əsədullayev üçün də düşərli olmadı. Belə ki, S. Əsədullayev də tutduğu postla vidalaşmalı oldu.

Sumqayıt şəhər Təhsil Şöbəsinin müdiri Nizami Namazov da 2018 -ci ildə vəzifəsini itirənlər siyahısındadır.

"Azəriqaz” İstehsalat Birliyi Sumqayıt Qaz İstismar Sahəsinin rəisi Namiq Tarverdiyev də bu il yola salınan məmurlardandır.

Sumqayıt Mənzil Kommunal Təsərrüfat İstehsalat Birliyinin Təmizlik departamentinin direktoru Məhəmməd Məmmədov da postunu itirənlər cərgəsində oldu.

Əmək və Əhalinin Sosial Müdafiəsi Nazirliyinin yanında Dövlət Sosial Müdafiə Fondunun Sumqayıt şəhər şöbəsinin müdiri İsmayıl İsmayılov da vəzifəsiylə vidalaşdı.

İlin sonlarına yaxın isə Sumqayıt şəhər Səhiyyə şöbəsinin müdiri Nəriman Baxşəliyev və onun müavini Bərxudar Məmmədov da işdən azad olunanlar arasında yer aldı.

Daha bir vəzifəsini itirən isə Sumqayıt Şəhər Polis İdarəsi Dövlət Yol Polisi Şöbəsinin rəisi Bayram Zeynalov oldu.

Ümid edirik ki, qarşıdan gələn 2019-ci il xoşagəlməz, kədərli deyil, gözəl, sevincli hadisələrlə yaddaşlara həkk olunar.

Xədicə Səxavətqızı

Xeberle.com