Sərəncama əsasən 2018-ci il 28 dekabr tarixinə ünvanlı dövlət sosial yardımı alan ailələrin hər birinə Dünya Azərbaycanlılarının Həmrəyliyi Günü və Yeni il bayramı münasibətilə 100 (yüz) manat məbləğində birdəfəlik yardım ödəniləcək.

Birdəfəlik yardımın maliyyələşdirilməsi üçün 2018-ci il dövlət büdcəsində ünvanlı dövlət sosial yardımı və sosial müavinətlər üçün nəzərdə tutulmuş vəsaitin xərclənməmiş qalıq hissəsindən 5 milyon manat ayrılıb. Bu isə 50000 ailəni əhatə edir.

Bəs Sumqayıtda nə qədər ailəyə bu sərəncam şamil ediləcək?

Əmək və Əhalinin Sosial Müdafiəsi Nazirliyinin Mətbuat katibi Fazil Talıbov Xeberle.com – a bildirib ki, Sumqayıt şəhərində 2300 ünvanlı sosial yardım alan ailə var və Dünya Azərbaycanlılarının Həmrəyliyi Günü və Yeni il bayramı münasibətilə 100 (yüz) manat məbləğində birdəfəlik yardım ödənilməsi barədə prezidentin verdiyi qərar hər bir ünvanlı sosial yardım alan ailəyə şamil olunacaq.

Xədicə Səxavətqızı

Xeberle.com