Bu
günlərdə Sumqayıt Polis İdarəsinin rəisinin dəyişdirildiyi barəsində xəbər
vermişdik. Bildirmişdik ki, Daxili İşlər
naziri, general-polkovnik Ramil Usubovun əmriylə Sumqayıt Şəhər Polis İdarəsinin
rəisi Əkbər İsmayılov vəzifəsindən azad olunaraq Gəncə Şəhər Baş Polis İdarəsinin
rəisi, Nərimanov Rayon Polis İdarəsinin rəisi Nəriman İmanov vəzifəsindən azad
olunaraq Sumqayıt Şəhər Polis İdarəsinin rəisi təyin olunub.
Daxili
İşlər Nazirliyinin Mətbuat xidmətinin rəis müavini Orxan Mansurzadə təyinatlarla bağlı Xeberle.com-a məlumatı təsdiqləyib.
Xeberle.com
bildirir ki, Sumqayıtın yeni polis rəisi,
polkovnik Nəriman İmanov Nərimanov rayon
Polis idarəsindən öncə Masallı rayon polis şöbəsinin rəisi vəzifəsində işləyib.
O, həmin vəzifədən əvvəl Tərtər rayon polis şöbəsinin rəisi vəzifəsini icra
edib. 2016-cı ilin avqust ayından son təyinata
qədər isə Nərimanov rayon Polis İdarəsinin rəisi olub.
Qeyd edək ki,
N. İmanov ötən il Daxili işlər
naziri, general-polkovnik Ramil Usubovun əmriylə "Azərbaycan Polisinin 100
illiyi” yubiley medalı ilə təltif olunub.
Xədicə
Səxavətqızı
Xeberle.com
Xəbərdən istifadə edərkən istinad etmək vacibdir.
