Yəqin
ki, çoxuna körpəsinin dünyaya gəldiyi Sumqayıt şəhər 2 saylı Doğum evində başqa
uşaqla səhv düşdüyünü iddia edən Aysel Əhmədovanın televiziyada yayımlanan
sosial verilişlərdən birinə çıxması məlumdur. Aysel Əhmədova Sumqayıt
sakinidir. O deyir ki, övladı 2018-cı ilin 2 noyabrında Sumqayıt şəhər 2 saylı Doğum evində doğulub və övladı xəstəxanada
səhv düşüb.
Müraciət
etdiyi proqram vasitəsi ilə DNT analizi
edilərək uşağın səhv düşmədiyi və ata-anasının onlar olduğu təsdiq olunsa da,
biz adı hallanan 2 saylı Doğum evinin baş həkimi Xədicə Binnətzadə ilə əlaqə
saxladıq.
Baş
həkim Xeberle.com-a bildirdi ki, bu qadının televiziya proqramına çıxaraq bizim
xəstəxanada uşağının səhv düşdüyünü bildirəndə narahatçılıq hissi keçirmədik:
"Biz bilirik ki, 55 ildən artıq bir vaxt ərzində fəaliyyətda olan doğum evində
indiyə qədər buna oxşar və bu kimi hallarla rastlaşılmayıb. Ola bilər ki, qadın
əqli cahil olsun, nevroloji problemləri olsun, lakin proqramda iştirak edənlər
və rəhbərlik bunun dövlət müəsissəsinə yaxılan quru böhtan olduğunu bilməli
idi. Əslində həmin qadın 3-cü uşağının atası övladından imtina etdiyi üçün, həmin
uşağa atalığın təsdiqi testini etdirmək istəyirdi. Bizim xəstəxanada növbəti
uşağını dünyaya gətirən qadının bu analizi etməyə imkanı çatmadığından bu
addıma əl atıb. Bunun bir böhtan olduğunu biz bilirdik, sadəcə kuluminasiya
nöqtəsini gözləyirdik. Bu absurd bir şeydir, doğum evində belə bir hal baş verə
bilməzdi”, - deyə baş həkim söyləyib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
