"Hesabat dövründə 4 nömrəli şəhər poliklinikası və 3
nömrəli şəhər xəstəxanasının poliklinika şöbəsi əsaslı, Təcili Tibbi Yardım
Stansiyası, 4 nömrəli şəhər xəstəxanası, 1 nömrəli uşaq poliklinikası, uşaq
stamatoloji poliklinikası və səhiyyə şöbəsinin inzibati binasında cari təmir
işləri aparılıb. Bu ilin yanvar ayından isə 2 nömrəli şəhər xəstəxanası əsaslı
təmirə bağlanıb, hazırda xəstəxananın şöbələri digər tibb müəssisələrinə
köçürülür".
Xeberle.com xəbər verir ki, bu sözləri 2018-ci ilin sosial-iqtisadi inkişafının
yekunlarına və qarşıda duran vəzifələrə həsr olunmuş hesabat yığıncağında
çıxışı zamanı Sumqayıt şəhər Səhiyyə şöbəsinin müdir əvəzi Səkinə Sadıxova deyib.
S. Sadıxova bildirib ki, Azərbaycan Respublikası
Prezidentinin tapşırığına əsasən Sumqayıt şəhərində ötən ilin fevralın 15-dən
mayın 15-dək 234 min şəhər sakini tibbi müayinədən keçib.
Müdir əvəzinin sözlərinə görə, Sumqayıtda qeydiyyatda olan
416 nəfər vərəm, 2700 onkoloji xəstə var: "Onkoloji xəstələrin sayı 2017-ci ilə nisbətən 89 nəfər artıb. Şəkər xəstələrinə gəldikdə isə uçotda 10501 nəfər
şəxs var. Bu isə 2017-ci illə müqayisədə
600 nəfər artım deməkdir".
Xeberle.com
Xəbərdən istifadə edərkən istinad etmək vacibdir.
